أعلن أحمد عيد عبد الملك لاعب الجونة خلال حسابه الشخصي على موقع التواصل الاجتماعي “فيس بوك ” نهاية مشواره مع الفريق .
وأشار عيد عبد الملك عن قرار الرحيل خلال منشور عبر ” فيس بوك ” قائلا
“كلمتين علشان الزيطة انا ماضي سنة مع نادي الجونة وشفت ان مليش دور في الفترة الاخيرة وكنت همشي في شهر واحد والنادي موافقش اني امشي غير لما يجيبو حد مكاني وكنت رايح نادي بتروجيت ووافقو اخر يومين قبل باب القيد وكان نادي بتروجيت اتعاقد مع لاعيبة تاني فرجعت وكملت تاني مع النادي واخر فترة مكنتش بلعب مع العلم كنت اكتر واحد ملتزم في الفرقة والي يقول حاجة غير كدة احط صباعي في عينه وفي الاخر شفت ان مليش دور قررت اني اقعد خلاص وللعلم ليا فلوس واتنازلت عنها ومشيت .. بس كدة يا زياطين علي فكرة انا عملت كل حاجة في الكورة مش مستني تقييم عشوائي من حد مبيفهمش ” .
وثمة خلافات قد حدثت بين اللاعب وإدارة الفريق بسبب تكرار مخالفته للائحة الداخلية للنادي بشأن استخدام موقع التواصل الإجتماعي.
وسبق لفريق الجونة تغريم عيد عبد الملك ماليا من قبل بعدما سخر من خسارة الأهلي لقب دوري أبطال أفريقيا لصالح الترجي التونسي في نوفمبر الماضي.