انجى غنام صاحبة العشرين عام المحترفه فى الدورى الإيطالي ، تتحدث عن مسيرتها الاحترافيه فى سن صغير و بدايتها.
بدأت انجى غنام حارسة منتخب مصر للسيدات مسيرتها فى نادى الصيد بالمحله الكبرى فى محافظة الغربيه ، بمساعدة اخوها.
و بدأت مسيرتها منذ ٧ سنوات مع الكابتن محمد المرسى ، و بعدها انتقلت الى الدورى الايطالى من بوابه فيزينا لمدة موسم واحد ، مع عائلتها.
و تألقت انجى مع نادى انكونا الناشط فى الدورى الايطالى القسم الثالث و مازلت متواجده داخل جدران النادى.
و عند سؤالها لماذا اخترتى تمثيل المنتخب المصرى ، أجابت : منتخب مصر حلم لاى حد و مش بالسهل انك ترتدى تيشيرت منتخب مصر ، و لو لبسته لازم تعافر لكى تبقى داخل المنتخب.
ماذا ينقص الكره المصريه للوصول إلى العالميه
قالت : ناقصنا الناس تؤمن بينا زى الرجاله يؤمنوا اننا نقدر و نوصل زى اى لاعب.
هل عرض عليكى التجنيس :
أتعرض عليا التجنيس ، و لكن اختارت تمثيل منتخب مصر .
و اتعرض عليا التجنيس من منتخب المحافظات فى إيطاليا و وافقت و الان العب معهم.
مثلك الاعلى محليا و عالميا
محليا : الشناوى و الحضرى ، عالميا : بوفون .
ما هو هدفك فى الفتره القادمه :
هدف انى أحقق حاجه لمنتخب مصر لانى طالما جيت لازم اكون أستحق ده.
و ما هى رسالتك التى تريدى إرسالها للجماهير :
الرساله اللي عاوزه اقدمها انهم يؤمنوا بينا يشجعونا بدل الكلام السلبي اللي بنشوفه ، و بنسمعه و اللي بيهدم اي لعيب ، لعيب ولد او بنت بلاش تهدموا فيه شجعه ، و ان البنات ممكن يحققوا حاجات كتير اوي مش زي ما هم فاكرين في المطبخ و بس.