أشعل حسام حسن المدير الفني لمنتخب مصر، الأجواء قبل مباراة مصر والأرجنتين المحدد إقامتها مساء غدًا الثلاثاء ضمن مباريات دور الـ16 لبطولة كأس العالم، بتصريحات نارية.
وقال حسام حسن:”طموحي كلاعب هو هو طموحي كمدرب .. نفسي منتخب مصر يبقى في حاله ومكانه تليق بيه وإحنا اتاخرنا كتير ولازم مصر تاخد حقها”.
وتابع:” عندنا مواهب كبيرة محمد صلاح وعمر مرموش وغيرهم كتير جاي ومصر ولادة”.
وأضاف:” لسه طموحي لم يتوقف أنا معرفش النتيجه بكره ايه .. أنا بوعد الشعب المصري والعربي كله اني اكون عند حسن ظنهم ويكون لينا فرصه في الوصول لدور ربع النهائي”.
وأكمل:” وجودي في كأس العالم كمدرب أصعب كتير أوي من وجودي كلاعب، لانك بتبقى شايل كل حاجه وهم المنتخب وعايز تفرح الناس كلها من خلال شغلك”.
واستطرد العميد:” كل الكلام ده مش سهل خالص ومحتاج شغل واجتهاد كبير .. لانك مدرب منتخب مش نادي يعني معندكش وقت كبير تحفظ لعيبتك وبتشتغل في ظروف أصعب ووقت أضيق والموضوع مش سهل”.
وأردف:” ميسي أسطورة في عالم كرة القدم، نحترم المنافس لكن لا نهاب أحد، لو خوفت من المنافس مش هتبقى حاجة كويسة، لينا أسلوبنا وانا عودت اللاعيبة اننا لازم نفرض أسلوبنا في الملعب بدون ما نفكر في اسم المنافس، لا فكرنا في بلجيكا ولا إسبانيا، احنا احترمناهم. عندنا هدف كبير لـ شعب كبير وللوطن العربي ولقارة افريقيا”.
وتابع:” جعلت اللاعبين يعتادون على قراءة المباريات قبل أن تُلعب، رغم الوقت القصير بين تلك المباريات، ولقد عملنا على تطوير الفريق على مدار عامين ونصف”.
واختتم:” لنا شكل وأسلوب لعب معين، وأطمئن الجماهير بأننا سنقدم كل ما في وسعنا.. لا أرى أمامي إلا المنافس، لكنني لا أهتم بالأسماء، أحترم المنافس فقط، لكننا “مش قليلين”، والكرة العربية والأفريقية ليست ضعيفة”.