حوارات

خاص : حامل لواء اندية المظاليم للممتاز يختار الثلاثي الافضل في الدوري وصاحب اللقب

ايمن المزين هو مدرب حفر اسمه بحروف من ذهب ضمن أندية القسم الثاني و أصبح المتخصص الأول في صعود الفرق للدوري الممتاز ، فقد صعد بفريق الشرقيه في موسم 2013 / 2014 وبعدها بموسم صعد بفريق الرجاء المطروحي وفي موسم 2017 / 2018 صعد بفريق الاسيوطي سبورت سابقا ” بيراميدز حاليا ”

وفي حوار خاص يتحدث لكورة نيو عن صعوده بأربع فرق مختلفة و عن التجربة الأخيرة مع نادي طنطا و العودة أخري لدوري الأضواء و الشهرة .

1 – في البدايه شعورك ايه يا كابتن عقب الصعود مع طنطا للدوري الممتاز بعد غياب عام واحد فقط ؟
في الاول هو اهم حاجه بالنسبه ليا اني رجعتهم لمكانهم الطبيعي في الدوري الممتاز ، واني حققت انجاز تاريخي بالنسبالى انى صعدت بالفرقه الرابعه ليا في الفتره القليله اللي اشتغلت فيها كمدير فني .

2 – دائما ما يقولوا ان كابتن ايمن المزين متخصص في تصعيد الفرق للدوري .. ما تعليقك ؟
الحمدلله طبعا يعتبر اني اعلى مدرب صعد بفرق للدوري الممتاز و ده طبعا انجاز ليا ، وكان في حديث ان كابتن حسن شحاته صعد بأربع فرق بس على ما اعتقد كابتن حسن صعد بثلاث فرق فقط والفريق الرابع هو المقاولون العرب بس لم يكمل معهم للصعود .

3 – ٤ فرق صعدوا للدوري بتواجدك كمدير فني ما هي المرة الأصعب؟
بالنسبه لي الاصعب في الصعود هو طنطا و فريق الشرقيه .

5 – لماذا لم تقود أي فريق في الدوري عقب الصعود به ؟
” لاني كان عندي احساس ان مفيش حد هيقف في ضهري ويساعدني وكان من الممكن انه يحصلي اخفاق في بداية الدوري او اني اكمل وللسبب ده كان عندي رهبه اني اخد الخطوه دي ” .

6 – هل ستقود طنطا في الممتاز
؟
طبعا ان شاء الله لان اللي شجعني ان النادي هيساعدني وهيكون في ضهري وان شاء الله نعمل حاجه كويسه في الدوري الموسم القادم .

7 – ابرز اللاعبين اللي حاطط عينك عليهم كتدعيم للفريق في الفتره المقبله سواء في الممتاز ب او أ ؟
في الحقيقه انا لسه معملتش تصور كامل للفترة القادمه ، ولكن خلال الاسبوع القادم هبدأ اعمل تصور لاحتياجي من لاعبين في الفتره اللي جايه واللي الاعبين ممكن استغنى عنهم .

8 – من وجهة نظرك الدوري الحالى متوقع انه يحسم لمين ؟
والله من وجهة نظري ان النادي الاهلى هو الاقرب لحسم الدوري .

9 – من هو افضل لاعب في الدوري الممتاز من وجهة نظرك ؟
بالنسبه لي الافضل هو البرازيلي كينو لاعب نادي بيراميدز و الاعب فرجاني ساسي لاعب نادي الزمالك ، ولو هنتكلم عن لاعب مصري بالنسبه لي طارق حامد لاعب نادي الزمالك لانه لاعب دائما مستواه ثابت وبيعجبني اداءه .

مقالات ذات صلة

اترك تعليقاً

زر الذهاب إلى الأعلى