رد عمرو الجناينى رئيس اللجنة الخماسية التى تدير الاتحاد المصري لكرة القدم على سخريته من النادى الأهلى على موقع التواصل الإجتماعى فيس بوك.
وقال عمرو الجنايني خلال المؤتمر الصحفي المقام باتحاد الكرة :”تعالى حاسبني وأنا في موقع رسمي، ماينفعش تحاسبني على هزاري مع واحد صاحبي، قبل ما أكون زملكاوي أنا مصري، وقبل ما حد يكون أهلاوي هو مصري، تعالى أمسك فيا وقولي فيه عدل ولا مافيش عدل، ليك عليا أن مافيش كلمة هتطلع مني وأنا متولي المسؤولية، أنا والله العظيم عمري ما فشلت، أنا مش هجامل ولا هظلم شخص، لو فيه سكينة على رقبتي .
وأضاف :” شغلي لايوجد فيه تهريج، والكلام ده مايزعلش حد، هلتزم معاك بالحياد وعدم الكيل بمكيالين وعدم مجاملة أي طرف من أطراف المنظومة على حساب الطرف الأخر .،كامل احترامي وتقديري لكل الجماهير المصرية، كابتن محمد حسن حلمي كان رئيس اتحاد الكرة واللي أعظى له صوته صالح سليم ..لدى أصدقاء فى إدارة النادى الأهلى أكثر من الزمالك.
