أعلن النادي الأهلي قبل يومين موافقته على قرار حارس مرمى فريقه الأول لكرة القدم شريف اكرامي، بالخروج من صفوف النادي بداية من الموسم المقبل مع نهاية عقده.
ومن المنتظر أن ينضم شريف إكرامي إلى صفوف نادي بيراميدز بداية من الموسم المقبل، بعد أن وقع على عقود انتقاله حسب ما أشارت التقارير.
ووجه سعد سمير رسالة إلى شريف إكرامي، عبر حسابه الشخصي على فيسبوك، إذ كتب، “علي مدار ١١ عام تزاملت معك في الفريق الأول في النادي الأهلي لم أري منك الا كل حب وخير وإخلاص للنادي ولزملائك دايما ليك نظرة مختلفة للأمور ودايما كنت من الناس القريبة مني بشكل شخصي استفدنا منك كتير ورجعنالك في حاجات كتير وكنت دايما خير داعم وخير صديق .. تاريخ وموقف طويلة ونجاحات كتير مرينا بيها وبرضو مواقف صعبة كتيرة لكن دايما كنت شخصية مسئولة ومواجه لكل المواقف .. اكيد عارف مدي حبنا ليك واحترامنا في نفس الوقت لكن كلنا عارفين انك مش بتاخد قرار الا لما بتكون مفكر فيه كويس اوي وبعناية شديدة”.
وتابع، “هتوحشنا جدا وهنخسر ضلع مهم من ضلوع الفرقة الكبار والقدام الي دايما من الناس الي كانت بترسخ مفاهيم وثوابت اتربو عليها وانتقلت لأجيال كتير لكن كل التوفيق والاحترام لواحد من اهم اللاعيبة والعقليات والكوادر في الفترة القادمة”.
