حدث هجوم متبادل بين محمد سراج الدين عضو مجلس ادارة النادي الأهلي، وتركي آل الشيخ مالك نادي ألميريا الاسباني والرئيس الشرفي للنادي الأهلي عبر موقع التواصل الاجتماعي “فيسبوك” خلال الساعات الماضيه.
ونشر تركي آل الشيخ على صفحته الرسمية بالفيسبوك “هوا مين الهلفوت ده محمد سراج الدين؟ ايه موقعك من الاعراب بس قبل مرد عليك يا هلفوت؟”.
وجاء رد سراج الدين عضو مجلس ادارة النادي الأهلي قائلًا :”هو انا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس افتكر انه كان علمني كمان ان الكرامة دي اعلى واهم صفات الإنسان وان عمري ما اقبل اي تجاوز في حقي”.
وواصل :”انا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده اللي خلاك مسخة أمام العالم كله، في قيم ومعاني واصول اهم وأسمى من كده بكتير بس انت معذور متعرفهاش بحمد ربنا اني اتربيت كده”.
وأضاف :”وانا مش بشوفك يا تركي ال شيخ من اول يوم غير واحد ناقص وجاهل وهفضل اشوفك كده على طول وعلى فكرة انت مش كاسر عيني وانت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين”.
وجاء الشد بين الطرفين بعد ان نشر تركي آل شيخ منذ يومين على صفحتة بالفيسبوك قائلأ :”اذا كان القرار بيد ادارة مش عاوزه مصلحة النادي وبيعطلو اي اي حاجه تصب في مصلحة النادي … وصبرت عليها كتير بس واضح انهم مش حيتغيرو في حاجه … الحمدالله عندي نادي في أوروبا ! والباب الي يجيلك منه الريح سده واستريح … لغاية مايجي رجال يقدرو الرجال!”.
