قام الإعلامي أحمد شوبير حارس مرمى منتخب مصر و النادي الأهلي السابق بالتعليق على فوز بيراميدز بالأمس على سيراميكا كيلوباترا بهدف نظيف.
وصرح خلال برنامجه الإذاعي : “بيراميدز فاز على سيراميكا ولكن حتى الآن لم يظهر بيراميدز بالشكل الذى كان متوقعاً له قبل بداية موسم بعد الانتدابات الضخمة التى عقدها فى الميركاتو الصيفى”.
أكد : رمضان صبحى لا يزال مشدود عصبياً، تشعر أنه يبحث عن على معلول الظهير الأيسر للأهلي الذى كان يهديه الكرات السحرية، فيما يعد عبد الله السعيد هو الأفضل فى بيراميدز رغم أنه بعيد عن مستواه”.
أشار : لازم طارق حامد يهدى شوية أول لما قالوا المسحة سلبية نزل الجيم، خلى بالك من نفسك شوية يا طارق مش عالطول تدريبات عشان صحتك”.
أوضح : ساسي تلقى عرض من الدحيل القطرى والزمالك بيحاول يجمع مستحقاته اللى ساسى نفسه متكلمش فيها من قبل، جميل أن اللاعيبة سكتت وقدرت موقف النادى ومخدوش مستحقاتهم أربع وخمس شهور بس الغريب أن كل دا يظهر دلوقتى.
واصل : الله يكون في عون اللجنة الحالية في الزمالك، حرام اللي بيحصل فيهم وفي أي حد هيتولى المسئولية، كل فرق ولاعبو الزمالك ليهم مستحقات متأخرة حتى الباسكت والهاند بول رغم أننا كنا بنسمع عكس كدا،
اختتم حديثه : والفلوس هي عنوان الكرة والرياضة فلازم يدورا يدفع مستحقات بن شرقي وساسي وأوناجم وتعديل عقد مصطفى محمد اللي لاقوه قليل جدا بعد وصول العرض الفرنسى، أتمنى ينجحوا ويعود الهدوء للزمالك”.
