علق هشام حنفي نجم النادي الأهلي السابق على خسارة النادي الاهلي من بايرن ميونيخ في نصف نهائي كأس العالم للأندية.
وصرح لبرنامج وان تو : الشوط الاول للأهلى أمام البايرن لم يكن مقنع لى، تخاف ماشي من فرقة كبيرة ومتفتحش الجيم عشان متتغلبش كتير زى برشلونة ، بس الخوف الزيادة رجع الفريق للخلف كثيراً ، بينما الشوط الثاني أفضل ووصلنا لنوير”.
تابع : فى فروق كبيرة بين الأندية المصرية والعالمية ، الناس دى شغالة صح ، البايرن فرقة تقيلة أوى، كان نفسى ديانج يبدأ المباراة فى وسط الملعب ، وحش فى النص وجايله عروض كان لازم أسوقه فى المباراة دى ، ومحمد شريف ووالتر بواليا كانوا يستحقون فرصة فى هذه المباراة”.
كما أشار :”شعرت أن موسيمانى فرحان بالتواجد فى كأس العالم للأندية فقط بدون طموحات أكبر، واللاعيبة أدت فى حدود قدراتها عجبنى محمد الشناوى وحمدى فتحى وأيمن أشرف ، وكذلك محمد هانى شاف ضغوط لن يراها مرة أخرى”.
أنهى حديثه : ” كده كده هنتغلب كان نفسى نلعب كورة ونشوف نفسنا فين ، من كتر الخوف والحرص الزيادة معرفناش نطلع بالكورة”.
