قام الإعلامي أحمد شوبير حارس مرمى النادي الأهلي و منتخب مصر السابق بتوجيه رسالة إلى أحمد بلال بشأن انتقادة لمصطفى محمد.
وصرح خلال برنامجه الإذاعي : مصطفى محمد راكب قطر اكسبريس وجالطة سراى المحطة الأولى، وأتمنى أن يصل للمحطة الأخيرة لأنه حتماً سيكون فى أفضل ناد وهو يستحق ذلك”.
أشار : “بلاش يا جماعة نغمة أهلى وزمالك مع المحترفين، مصطفى محمد لازم الكل يسانده لإنه بيمثل مصر وهيفيد منتخب مصر، أنا بحب أحمد بلال جدا وهو من الناس المؤدبين ومينفعش يفضل يتكلم على مصطفى محمد كتير،
تابع : لازم يا بلال تساند مصطفى محمد ومينفعش تقول معنديش وقت اتفرج عليه لأ اتفرج عليه يا بلال لأن إنت لما كنت محترف فى تركيا كنا بنتفرج عليك وندعمك ونساندك”.
واصل : “بعيداً عن أحمد بلال لأنه لا ينطبق عليه الكلام اللى هقوله ده، فى ناس بقى واخدينها هزار عشان التريند ولازم نقولهم كفاية بقى كلامكو بقى بايخ وضحكنا عليه شوية بس خلاص الإفيهات بايتة وبوخت واسترخمت وبقى دمها تقيل ياريت تدوروا على الجديد”.
