رد أمير مرتضي منصور مدير الكرة السابق بنادى الزمالك علي تصريحات عمرو الجنايني رئيس الاتحاد المصري السابق الذي أكد أنه قد جامل الزمالك كثيرا طوال فترة رئاسته للإتحاد بجانب توجيه أمير مرتضي للخروج بتصريحات معينة من أجل الضغط علي إدارة الأهلي.
وقال أمير مرتضي :” كلام عمرو الجنايني كذب وعمري ما طلبت منه حاجة للزمالك وعملها بالعكس كان بيعطل وبيضر الزمالك وبعدين هاخد رأي واحد فاشل ليه!!خربت الزمالك وانت في مجلس ادارته مع ممدوح عباس وكملت تخريب وانت في اتحاد الكرة..انت ولا كنت محايد بين الاهلي والزمالك ولا كنت متحيز للزمالك انت كنت ولا حاجة”.
وأضاف :” الناس اللي معندهاش دم وبتدخل على clubhouse وتقول اي كلام على اساس انه في صالون بيتهم ومحدش سامعهم ومحدش هيكدبهم ياريت تتكسفوا على دمكوا شوية الناس مش بيتضحك عليها ولو ناسي افكرك ولا نسيت ال ٦ نقط اللي خصمتهم وايقاف شيكا وعبدالله جمعة وازمة القيد ومكافأة الكونفدرالية وحاجات كتيرة “.
وكان الجنايني قد أكد أنه فتح القيد للاعبي الزمالك بعد غلقه بشكل رسمي بجانب مساندة الأبيض من أجل تحقيق البطولات المحلية والقارية علي حساب الأهلي.
إتبعنا
