علق الإعلامي أحمد شوبير حارس مرمى النادي الأهلي و منتخب مصر السابق على ما قاله محمد عمارة بشأن علي معلول.
وصرح خلال برنامجه الإذاعي : “زعلت من محمد عمارة لما أتكلم عن على معلول نجم الأهلى بشكل مش كويس، وبحيى محمد عمارة على اعتذاره، لأن كلامه كان جارح بشكل كبير”..
تابع : بلاش يا جماعة ندخل الأمور الشخصية فى تقييم اللاعبين أو حتى إدارات الأندية، إزاى يبقى عندى موقف من الانتخابات أو من شخص واربط ده بالهجوم على بعض اللاعبين، الأمور الشخصية لما بتتدخل تفسد كل شىء”.
وأشار : “عندما يسألونى من هو أفضل حارس مرمى فى تاريخ مصر بقول وأنا مغمض عصام الحضرى، الواقع والأرقام والتاريخ بيقولوا كده، لو أنا عندى مشكلة مع الحضرى ملهاش علاقة بتقييمه، والناس تقولى إزاى تقول الحضرى أفضل حارس بقولهم ده ميقللش منى بالعكس ده يكبرنى ولازم أقول الحق والحق أن الحضرى هو الأفضل”.
