ارسل البطل الاولمبى فى رفع الأثقال محمد ايهاب عبر حسابه الشخصى على موقع التواصل الاجتماعي “فيس بوك” رساله الى الشعب المصرى.
و كتب محمد ايهاب عبر صفحته على موقع فيس بوك : ثمانى نقاط مهمه لمتابعي الأولمبياد :-
أولاً :- متلومش اى لاعب على نتيجه طالما ملوش تصنيف عالمى .
ثانياً :- متلومش اى لاعب على نتيجه كان كل طموحه يمثل مصر فى الأولمبياد وبس .
ثالثا:- متلومش اى لاعب على نتيجه وقعته قرعته مع ابطال ميداليات عالميه و اوليمبيه معروف مصروف عليهم قد ايه .
رابعاً:- متلومش اى لاعب على نتيجه كان مصاب ومتوفرلوش تأهيل رياضى و علاج طبيعى .
خامساً:- متلومش اى لاعب على نتيجه بيخسس و متوفرلوش دكتور تغذيه رياضيه .
سادساً :- متلومش اى لاعب على نتيجه و عمره التدريبى صغير .
سابعاً :- متلومش اى لاعب على نتيجه كان كل ذنبه انه أول افرقيا وأتأهل منها للأوليمبياد ومستوى القاره بالنسبه للعالم معروف .
ثامناً:- متلومش اى لاعب على نتيجه وهوه مستنى منك الدعم المعنوى و كفايه معاناه اللاعب طول عمره فى طريق نهايته مش مضمونه .
