صرح لاعب نادى اسوان الصاعد حديثآ إلى الدورى المصرى الممتاز “محمد رزق” ببعض التصريحات لموقع كوره نيو .
و شارك محمد رزق صاحب ال 34 عام هذا الموسم مع نادى اسوان الصاعد حديثآ إلى الدورى المصرى الممتاز ، فى دورى الدرجه التانيه فى مجموعه الصعيد.
و لعب رزق فى عدة أندية فى الدورى المصرى خلال مسيرته الاحترافية و هى : الاهلى و المقاولون و طلائع الجيش و سموحه.
و نستعرض الان تصريحات رزق لموقع كوره نيو
هتستمر مع فريق اسوان فى الموسم الجديد
الاستمرار دا ع حسب النادي وطموحاته واي اللي هما عايزينه الموسم الجاي
فيه عروض من فرق الدورى الممتاز
الحمدلله فيه عروض كويسه وربنا يقدم الخير لينا
حظوظ اسوان للصعود فى مباراة نصف نهائى الكأس أمام الزمالك
والله دا ماتش يمكن مكنش ف حسابات الفريق خالص لكن نتمني نقدم شئ كويس يليق بينا كلاعبين وفريق صاعد للممتاز الموسم الجاي
هل واجهتك صعوبه فى بداية الموسم على التأقلم فى مجموعه الصعيد فى الدرجه التانيه
اكيد طبعا ظروف واجواء وملاعب مجموعه الصعيد صعبه جدا ع اي لاعب خصوصا لو انت بتحب طريقة لعب معينه ف ظل كل الظروف والاجواء دي بيكون في تاقلم لكن بعد وقت والحمدلله ربنا كملها بالصعود
النادى الاهلى بيمثلك ايه
النادي الاهلي كل شئ ليا طبعا وسبب بعد ربنا ومجهوداتي واهلي وتعبنا ان الناس تكون عارفاني وتتكلم عني بشكل كويس ومحترم
أفضل مدرب ادربت معاه فى تاريخك
جاريدو
احمد سامي
حلمي طولان
هل تنوى دخول عالم التدريب عقب الاعتزال
ان شاء الله لكن بعد ما اخد بعض الشهادات والدراسات اللي تساعدني ف التميز
