صرح لاعب حسين الشحات نجم النادى الاهلى ببعض التصريحات خلال برنامج كورة كل يوم ، مع كريم حسن شحاته عبر قناة الحياه .
و عند سؤاله الشحات عن إيه : أسباب خسارة الأهلي الدوري السنة دي؟
اجاب حسين : إحنا اللي قصرنا والعيب من اللاعيبة، كان فيه اجهاد وضغط ماتشات ومستر موسيماني حتى ماكانش بيلحق يمرّنا.
و اضاف الشحات : فيه إصابة مش هقدر أحكي تفاصيلها ومحتاجة وقت لكن ضغط المباريات ماكانش سامحلي بأي راحة ، فاضطريت اتحامل على نفسي.
و اكمل حسين : الشناوي؟ بعيدًا عن إنه بيقعد يزعق لأيمن على طول بس دي حاجة بينهم وبين بعض ، لكن الشناوي قائد ودايمًا بيبقى عايزك تطلع أفضل ما عندك.
حسين : كنت أتمنى رمضان صبحى يكمل في الأهلي زي أي لاعيب تاني ، بس طالما اختار طريقه ربنا يوفقـه فيه.
و عند سؤاله الشحات : عن مين قدوتك في الملعب، ومين قدوتك برا الملعب؟
رد حسين : قدوتي في الحياة “النبي صلى الله عليه وسلم”، لو هتكلم على الملعب كابتن أبو تريكة وكابتن بركات طبعًا ، وكنت أتمنى ألحقهم وألعب معاهم.
و سال كريم حسن شحاتة : في لاعيبة كتير بيلعبوا في مركزك؟
حسين: توجد حرب في المركز واللي يعرف يسد يلعب، اهم حاجة مصلحة الفرقة وإن شاء الله ألعب أنا أساسي عليهم وخصوصًا إني الحمد لله فنشت الموسم دا بشكل كويس.
و اختتم الشحات اللقاء : بتمنى جمهور الأهلي ميزعلش مني في الفترة اللي كنت سيء فيها وإن شاء الله اللي جاي أحسن.
