شدد أحمد حسام ميدو علي إعجابه بالإنجليزي مارك كلاتنبرج رئيس لجنة الحكام بالاتحاد المصري لكرة القدم بعد فكرة الفيديو التي تضمنت بعض القرارات وقام كلاتنبرج بتحليل تلك القرارات التحكيمية.
وقال ميدو في تصريحاته عبر برنامج الريمونتادا على قناة المحور:
“كلاتبيرج مش جاي يهزر، ده جاي يشتغل، وماشي بمبدأ بيعجبني اسمه اللي يصعب عليك في الشغل يفقرك”.
وأكمل: “السنة اللي جاية كلاتنبرج هينشر فيديوهات لتحليله لقرارات خاطئة من الحكام وهيتم إعلان فكرة عقوبة الحكم بالاسم عشان غلط في القرارات وهيفضح الحكام المقصرين، متقوليش فيشة الغلاية والشاي، كفاية هزار، كلاتنبرج مش جاي يهزر”.
واختتم حديثه قائلا: “كلاتنبرج هيزعل الحكام ولازم نبعد عن أي مجاملات وسعيد بالشغل اللي معمول في ملف التحكيم ولو فعلنا دور لجنة القيم والأخلاقيات الكورة المصرية هتبقى في حتة تانية”.
إتبعنا
