صرحت المصريه ايمان حسن لاعبة نادى الهلال السعودى ، ببعض التصريحات لموقع كوره نيو .
تلعب ايمان حسن عبد الرحيم صاحبة ال22 عام ، فى مركزي السرد باك ، باك رايت ، نص ملعب .
بدايتك ؟
بدأت في مركز شباب ثم انتقلت الي منتخب مصر تحت ال١٧ سنه ، بعدها انتقلت لنادي الطيران .
ما هى الصعوبات التى وجهتك فى السعوديه ؟
الصعوبات هيا الغربه ، و اني بعيد عن اهلي .
ما هى طموحك فى الفتره المقبله مع الهلال و المنتخب ؟
طموحي الحصول على الدوري السعودي مع نادي الهلال السنه دي .
طموحى مع المنتخب اني اوصل معاه لأبعد نقطه من الانجازات .
خلال جودك الفتره الحاليه فى السعوديه ، شايفه ايه مختلف عن الدورى السعودى للسيدات فى اول موسم ليهم و الدورى المصرى للسيدات ؟
هنا في السعوديه في اهتمام كبير من كل حاجه ، و مافيش فرق بين البنت و الولد .
في مصر الدوري مأخرا بقا قوي وبقا في اهتمام اكبر .
ما هى رسالتك لكل بنت حابه تكون لاعبه كرة قدم ؟
رسالتي لأي بنت حابه تكمل في الكوره ، اوعي تسمعي الكلام السلبي ، و دايما لو سمعتي ده خدي بإيجابية ، وانك تكوني افضل بس اوعي كلام اي شخص يحبطك ، ودايما اسعي انك تطوري من نفسك ، و خليكي مصره انك توصلي لحلمك ثقي في الله ثم في نفسك.
شايفه ايه اللى ناقص للكرة المصريه للمنافسه على البطولات ؟
الي ناقص الكره المصريه هو كان الاهتمام لكن دلوقتى الوضع بقا افضل اتمنى الاهتمام يكون افضل من كده ، و مايكونش في فرق بين البنت والولد .
مثلك الاعلى محلى و عالمي سيدات ؟
مثلي الاعلي محلي مافيش حد ، و عالميًا مدافعه برشلونه regresa mapi.
مثلك الاعلى محلى و عالمي رجال ؟
مثلي الاعلي محلي عبد المنعم مدافع الاهلي .
عالميا المدافع الايطالى باولو مالديني .
انتقالك من الطيران للهلال ؟
انتقال حر
