أعلن مرتضى منصور منذ قليل رحيله عن رئاسة مجلس إدارة نادي الزمالك، وابتعاده نهائياً عن الساحة الرياضية، وجاء ذلك بسبب الأزمات التي ضربت الفريق خلال الآونة الأخيرة.
وتحدث مرتضى منصور في تصريحات عبر فيديو بثه على صفحته الرسمية:” الوضع داخل النادي صعب للغاية، انت عندي ثقه في لعبه الزمالك أنهم يكسبوا النصر السعودي بكره، وان شاء الله ربنا هيوفقهم”.
وأكمل:” بوجه رساله لجمهور الزمالك في السعودية يساند الفريق غدا، ولاسيما حكم لقاء المباراة الماضيه خلاص، وزيارة حاكم الطائف امبارح رد اعتبار لينا بسبب المذيع اللي مكنش محايد واساء للزمالك”.
واضاف :” جماهير الزمالك من حقها تفرح، وعشان تفرح لازم يتوج الفريق بالبطولات، وعشان يبقى فيه بطولات لازم لعيبه هما مش فارق معاهم ممدوح عباس ومرتضى ، انا خدت قرار وبقول لممدوح عباس قصاد مصر كلها ، الخناقه بيني وبينك خلاص ، انا مشيت خلاص وهرجع مشجع درجه تالته ، وامير مرتضى مشي من شهرين ورافض يرجع وهيسلم العقود لأي حد يبقى مسئول عنهم “.
وتابع:”انا سأغادر النادي ويوجد فيه ٢١ مليون جنيه ، ابعتوا جزء لاتشيمبونج وجزء للمدير الفني ،انا سايب النادي ومتنازلتش عن دولار واحد من الغرامه واخر معاد بكره ولو مدفعش هيتوقف ، هيدفع هيبقى فيه فلوس كتيره تفك ازمه ماليه وندفع مرتبات اللعيبه”.
وأردف:”الانتخابات هتتفتح يوم ٣١ اكتوبر واللي بيحب النادي ينزل الانتخابات ، انا بشوف النادي بينهار دلوقت ، انا خلاص مشيت ياعم فك الحجز بقا”.
وأتم:”انا صعقت بكم المبالغ الي على الزمالك علشان اقيد القايمه الأوليه . انا خارج المشهد من بعد ماتش بكره ، وبعد الماتش انا مسافر . لو بتحب النادي وبتحب الكيان ارفع الحجز عن الزمالك”.
