شهدت الأيام الماضية أزمه داخل نادي القناه بعد الاستغناء عن أحمد موسى لاعب الفريق الأول بدون علمه بعد إصابته في الغضروف بسبب خطأ طبي.
وتحدث اللاعب مع رئيس النادي ليعرف السبب، ليخبره بأنها رؤيه فنيه وأنهم لم يقصروا تجاه اللاعب في شي.
نشر اللاعب عبر حسابه على الفيسبوك:”أنا احمد موسي لاعب بنادي القناه، انا من ناشئين النادي ومتربي في النادي لكن متوقعش انهم يعملو معايا كده وخصوصا اني ابنهم..انا من سنه وشهرين كنت بلعب ماتش كنا بنلاعب المريخ ف الدوري وكان الماتش الي قبل الاخير ف الموسم وربنا اراد ان اتصاب ف الماتش جالي “رباط صليبي وغضروف داخلي وغضروف خارجي ” وبصراحه وقتها النادي مقصرش وعملي العمليه ولكن كان فيه خطأ طبي ف الغضروف وملحمش وفضلت موسم كامل بأهل ومقصرتش ف حاجه ولكن حسيت ان رجلي فيها مشكله روحت للدكتور تاني طلب ب اجراء عمليه تانيه عشان الغضروف ملحمش ودا مش بسببي ولا ليه دخل فيه وكلمت النادي عشان العمليه التانيه عملوهالي يوم “الاحد ٦-٨-٢٠٢٣” وطلبت العكاز والعلاج محدش سال عني ومن وقت للعمليه محدش كلمني عرفت ان القسط نزل للعلم منزلش ليه غير نص قسط قبل العيد باسبوع قولت اسال منزليش ليه بقيت القسط خصوصا محدش بلغني ب اي حاجه
وتابع حديثه:”بكلم الاداري انا ليه منزليش فلوس قال “اصل احنا مبعتناش اسمك الاتحاد وانت دلوقتي فري” انا انصدمت ازاي عامل عمليه من يومين ويستغنو عني من غير م اقف ع رجلي ومفيش نادي هيقبل بيه وانا لسه عامل عمليه وانا ماليش دخل تاني غير الكوره”.
وأكمل :” هو شايف انك مش هتلحق معاه السنادي مع العلم انا عامل غضروف شهر وارجع الملعب ان شاء الله …لكن اعرف صدفه ان فري ومحدش يتصل يبلغني يعني كان زماني مش عارف ان فري.
واختتم حديثه:”انا دلوقتي مش هلاقي نادي ف ظروف دي وانا مسئول عن بيت ومعنديش دخل غير الكوره
ومش هقول غير الي يرضي ربنا حسبي الله ونعم الوكيل”.
