محمد شريف يودع الأهلي وجماهيره برسالة مؤثرة

أعلن مجلس إدارة النادي الأهلي برئاسة محمود الخطيب، عن انتقال نجم الفريق الأول لكرة القدم، محمد شريف، إلى صفوف الخليج السعودي لمدة موسمين قادمين.

وكتب جناح القلعة الحمراء، عبر حسابه الرسمي على موقع التواصل الاجتماعي “فيس بوك”، قائلًا: “السلام عليكم ورحمة الله وبركاته، في البدايه مين يكون معاه وفي ظهره النادي الاهلي ويقدر يتشرط او يملي شروطه عليه”.

وتابع: “انا بكتب البوست ده حابب اوجه الشكر لكل ماهو ينتمي للكيان الكبير وبيتي النادي الاهلي”.

وأضاف: “اولا الجمهور انا فعلا مش لاقي كلام يوصف ولا يوفي حقكم عليا بعد ربنا سبحانه وتعالي كنتم انتم خير دعم ليا وخير سند في اوقات صعبه ليا وللفريق ككل بشكركم”.

وأردف: “وبعتذر عن اي تقصير في يوم حصل مني وهتفضل اصواتكم ديما معايا وجوايا يااعظم جمهور في العالم جمهور الاهلي هو من يصنع النجوم دمتم نعمه”.

وواصل: “ثانيا: اشكر ادارة النادي الاهلي انها ساعدتني وادتني الفرصه ان اخر ج من الباب الكبير ومن خلالهم وتحت اشرافهم هما”.

وأكد: “اول ما اتعرض عليا العروض كنت حريص علي توجيهها للاداره لدراستها قبلي انا شخصيا وكمان لحفظ حقوق الكيان نفسه قبلي انا شخصيااااااا وتحقيق اكبر افاده للكيان”.

وشدد شريف: “وبقولها واكد عليها لا عاش ولا كان اللي يجي الاهلي ويتشرط عليه في تجديد ولا غيره انا خارج من باب الاهلي الكبير ولله الحمد حاولت افيد النادي علي اد ما اقدر وده ميجيش جزء من فضل النادي عليا شخصيا وده شي يشرفني”.

واستكمل: “وديما يكفيني ويكفي اولادي ان اسمي موجود في سجلات النادي وهذا من فضل الله عليا”.

واستطرد: “ثالثا اشكر كل من زمالتهم وكانو سند ليا وقت لعبي بالفريق من لاعبين كانو اخواتي وديما في ظهر بعض وبفضل الله وبفضلهم عرفت احفر واسجل ارقام هتفضلي موجوده باسمي داخل سطور الكيان الكبير”.

وأوضح: “وبشكر كل المدربين والاداريين اللي اشتغلت معاهم من اصغر واحد لاكبر واحد واخواتنا العمال اللي تعبو معايا جدااا طوال الفتره والفريق الطبي كله بلا استثناء”.

وأدرك: “اخيرا وجب التوضيح عشت جوه النادي الاهلي ٦ سنين من عمري واجب عليا والتزاما مني اتجاه النادي اخرج وانا شخص مسئول ولذلك انا من طلبت من النادي الاهلي اخذ كل الاحتياطات لضمان حقوق عودتي من جديد لدوري المصري من خلاله فقط او العرض عليه اولا قبل العوده لمصر”.

وأتم: “واي كلام يقال في الموضوع ده لا يمت للحقيقه باي شي وهذا للعلم فقط، الاهلي مفيش حد يتشرط عليه للتاكيد ولكل اللي متابعني طول سنيني ال٦ بالاهلي لم افتعل ولو مشكله واحده وهذا من فضل الله عليا ، لاني اتعامل مع منظومه اعرف واجباتي اتجاها بكل تفصيله
ولنا عوده”.

يذكر أن شريف شارك مع المارد الأحمر خلال 6 سنوات في 151 مباراة سجل خلالهم 58 هدفًا، وتمكن من صناعة 11 اَخرين، كما حصل معه على 10 بطولات بالإضافة إلى لقب هداف دوري 2020-2021.