يقام اليوم الخميس المؤتمر الصحفي الخاص بالإعلان عن التؤام حسام وإبراهيم حسن بتوليهم تدريب منتخب مصر الأول لكرة القدم، خلفًا للبرتغالي روي فيتوريا.
وعبر الأسطورة إبراهيم حسن عن سعادته بتوليه قيادة منتخب مصر الأول قائلًا:
“أنا وحسام بنعشق مصر جدًا وبنحبها من قلبنا، وعلى المستوى الرياضي، احنا مثلنا مصر أحسن تمثيل، وحققنا حاجات كتير جدًا مع منتخبنا”.
وتابع: “احنا عارفين قيمة منتخب مصر، وتيشيرت منتخب مصر حاجه كبيرة جدًا جدًا، الروح اللي كانت عندنا واحنا في الملعب، إن شاء الله هننقلها للاعبين”.
وأضاف: “الناس الطيبة اللي بنشوفهم في الشارع ودعمهم لينا بعد تولينا المسئولية رسميًا، دي حملتنا حلم كبير جدًا، وإن شاء الله نكون قد المسئولية”.
واختتم: “بنوعد المنظومة كلها والشعب المصري اللي حملنا المسئولية، نتمني زيادة أعداد الجماهير في المباريات، لأن مينفعش نكون بالشكل ده قدام العالم”.
