نشر الدولي المصري احمد سيد زيزو، نجم نادي الزمالك، بيان ناري عبر حساباته الرسمية على مواقع التواصل الاجتماعي، بعد التكهنات التي تشير إلى انتقاله للنادي الأهلي خلال فترة الانتقالات المقبلة بالتزامن مع بداية بطولة كأس العالم للأندية.
الجدير بالذكر أن زيزو انتهى عقده مع القلعة البيضاء، وحتى الاَن لم يتم تجديدها وسط أنباء تشير إلى أن إدارة الزمالك ليس لديها نية لتمديد عقود اللاعب، حيث تزعم بوجود مطالبات مالية ضخمة من جانب وكيل أعماله ووالده، مصطفى السيد.
على هامش ذلك؛ كشفت مصادر خاصة بالقلعة الحمراء لموقع “كورة نيو”، أن مجلس إدارة النادي الأهلي برئاسة كابتن محمود الخطيب، تواصل مع اللاعب للحصول على خدماته وتم توقيع العقود المبدئية، على أن يتم استكمال الإجراءات اللازمة خلال الفترة الحالية.
كتب زيزو عبر حساباته الشخصية، قائلًا: “الحمد لله. أنا راجل بحترم كل الناس..لكن للأسف عدم ردي علي المعلومات المغلوطة. والتزامي.. كل ساعة خبر عن توقيع أو تجديد عقد زيزو. وكل واحد بيغازل الشريحة اللي عايزها من الجمهور. بسبب خبر رايح وخبر جاي”.
وتابع: “بكل وضوح أنا لم أوقع لأي نادي سواء داخل أو خارج مصر. اللي حصل على توقيعي يتفضل يعلن..إذا كان كلامه صحيح؟ ..كمان اللي عنده دليل على توقيعي لأي نادي برضو يتفضل يطلعه على الملأ”.
وأضاف: “الناس لازم تعرف كويس. انا بقدر جدا الكيان الكبير اللي أنا بلعب فيه..ولا يمكن أنكر فضله عليا. لكن فيه حاجة أنا مكنتش حابب أتكلم فيها خالص.. لأنه للأسف الأمور في الإعلام كلها في إتجاه واحد”.
وواصل: “ليه محدش اتكلم عن حقوقي المشروعة زي أي لاعب في الدنيا.. ليه محدش اتكلم إن الناس سابتني بقالها شهور طويلة ومش عايزين يجددوا عقدي. ليه محدش اتكلم عن المستحقات المتأخرة اللي ليا بقالها كتير. ومش لاقي حد يجاوبني”.
واستكمل: “ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة.. ولعيب الكورة مهما طول. عمره قصير في الملعب.. وأكيد كل واحد فيكم عنده أسرة. وعليه التزامات كتير.. محدش كمان اتكلم إنه ربنا سبحانه وتعالى أنعم عليا بعروض مقابلها المالي 5 أضعاف العرض اللي موجود”.
واستمر: “ورغم كل ده. قلت وهفضل أقول أنا منتظر كلمة النادي. وده لإعتبارات كتير. مش لتجميل الصورة. والجماهير لازم تكون عارفة الحقيقة.. زيزو مش بيزايد.. ولا بيتاجر..لكن لازم الطرف التاني يكون عايزني أكمل.. وتكون فيه استجابة لربع المعروض عليا على الأقل..لكن للأسف الكلام معايا حاجة..واللي بيتقال للإعلام حاجة تانية”.
وأردف زيزو: “أنا مينفعش اجرح في حد. ولا أتكلم في حق حد.. لأن اللي بيتقال في الجلسات عيب يتقال برة..على الأقل من ناحيتي..أنا مستني رد النادي لحد آخر يوم في الكونفدرالية..وأتمنى ربنا يكرمنا بيها أنا وزمايلي. وأي كلام هيتقال غير كدة في موضوع التجديد أو التوقيع قبل الموعد ده . هيكون كلام غير صحيح”.
واختتم: “ورسالتي الودية جدا للمسئولين في النادي اللي أنا بحترمهم جميعا..أتمنى الحوار في مسألة تجديد العقد يكون بيني وبينكم.. مش عن طريق الإعلام..وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على اننا نكمل الطريق. شكرا على تفهمكم موقفي”.
