فى تصريحات مثيرة للجدل، فجّر سيف سلامة، حارس بيراميدز الأسبق للساق الواحدة، وحارس البنك الأهلي الحالي، وحارس منتخب مصر البارالمبي.
والحاصل على بطولة الدوري المصري وعدة بطولات كبرى وجائزة أفضل لاعب فى إفريقيا عام 2021، مفاجآت صادمة عن كواليس استبعاده من المنتخب وإيقافه وأزمات اللعبة.
سيف قال بوضوح:
“أنا ممنوع من المنتخب بأمر شخص، ومش عارف ليه، الظلم وحش وأنا اتخنقت، لغاية دلوقتي مافيش اتحاد للعبة، والأمور كلها بتدار بالأهواء والمصالح، الناس دي مش فاهمة حاجة عن الكورة، والكل اتخنق منهم”.
وأضاف الحارس الدولي:
“الناس ف المنتخب مش هتنطق، لأن أي حد هيتكلم مش هيشوف المنتخب تاني، المنتخب كله 15 لاعب، وفى ناس أكتر منهم بكتير اتخنقوا خلاص”.
وتابع كاشفًا عن أزمة بطولة غانا الأخيرة:
“أنا اتوقفت من البطولة بسبب تطاول المدير الإداري عليا، ووصلنا إننا اشتبكنا بالأيد، وفى ناس فى المنتخب خرجت مصابة وما اتعالجتش، وناس تانية اتعالجت. الأمور ماشية بمزاج وبدون أي نظام أو عدل”.
وسيف سلامة ختم كلامه بنبرة غضب وحزن، مؤكدًا أن الأجواء الحالية داخل اللعبة والمنتخب لا تصلح، وأن ما يحدث ظلم وإقصاء متعمد لبعض اللاعبين لأسباب شخصية بعيدة عن الرياضة.
