تحدث نادر شوقي، وكيل اللاعبين، عن كواليس قصة الراحل أحمد رفعت، مؤكدًا أن الانتقادات التي توجه له في هذا الملف تزعجه بشدة، خاصة من أشخاص لا يعرفون تفاصيل ما حدث.
وقال نادر شوقي في تصريحات عبر بودكاست “فنجان شاي” مع الإعلامي أحمد أسامة: “الانتقاد في جزئية المرحوم أحمد رفعت بيضايقني، في ناس كتير مش فاهمة التفاصيل. وقت صفقة زيزو فوجئت إن جمهور الزمالك بيتكلم عن قصة رفعت، إيه علاقة ده بده؟”
وأضاف: “رفعت كان من أقرب الناس ليا ولأصحابه، ووالدته وأسرته لسه بيعانوا لحد النهاردة لأنه كان شايل كل حاجة. ربنا يصبرهم. بالنسبة لي أهم حاجة إنهم ميكونوش زعلانين مني، ومش فارق معايا أي حد تاني”، مشيرًا إلى أنه خسر أشخاصًا مقربين بسبب هذا الملف وما زال يخسر حتى اليوم، لكنه يعتبر ذلك كشفًا للحقائق.
وتابع: “لو رجع بيا الزمن هعمل نفس اللي عملته، والقضية دي كانت الحالة الوحيدة اللي تم تحويلها من فخامة الرئيس للنيابة العامة، وده يوضح قد إيه الموضوع كان يستاهل. بعدها حصل تغيير كبير في طريقة التعامل مع اللاعبين المحترفين”، مؤكدًا أنه ما زال مقتنعًا بوجود خطأ إداري في الواقعة وأن الجميع كان على علم به.
وعن حقيقة تقاضيه أجر مالي نظير حلقه مع الإعلامي إبراهيم فايق ، قال أنا لسه دافن الواد هروح اتفق على أجر للظهور في الإعلام ؟ هو طلب شهادتي وشهادة شخص آخر وانا حسيت انى لازم اتكلم “.
وعن التنسيق مع هيثم عرابي قال شوقي: “لم أنسق مع هيثم عرابي أو أي شخص آخر للحديث عن قصة أحمد رفعت.. إحنا مش عيال صغيرة. عشت معاه قصة صعبة جدًا، واللاعبين لازم يقدّروا النعمة اللي هما فيها. للأسف في لعيبة مش حاسة بالنعمة دي رغم كل اللي حواليهم”.
