أكد ناصر ماهر، لاعب الفريق الأول لكرة القدم بنادي الزمالك على أحقيته في التواجد بقائمة منتخب مصر بعد استبعاد اسمه من المعسكر الذي سيقام في الإمارات بدأ من 10 نوفمبر حتى 18 من الشهر ذاته.
ونشر ناصر ماهر لاعب الزمالك استوري له عبر منصة التواصل الاجتماعي إنستجرام قائلا :
أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر.
وتابع: بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتي الناس العاديه بيتكلموا كويس جدا عن أدائي في الفترة الأخيرة.
وأتم بصراحة، اللي حصل ظلم ظلم كبير جدًا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط أي جبل.
