أثار سيد عبدالحفيظ جدلًا واسعًا اليوم بعد تصريحاته المثيرة ضد الحكام ولجنة الحكام بعد مباراة فريقه الأهلي.
وقال سيد:️ عندنا 3 بطولات في الشهر اللي جاي كأس مصر والسوبر المصري والسوبر الأفريقي، محدش يضحك علينا لأننا فاهمين لوائح كويس قوي وعارفين الفترة الدولية مش هندفع فاتورة حد.
وتابع مدير الكرة بالأهلي:️ أما بقى اللي سمحوا لنفسهم يشتمونا من إعلاميين فدورهم جاي بس ناخد نفسنا، ️ولا هيحصل أنك تحطلي ماتشات الكأس كل 48 ساعة زي الدوري.
تابع سيد عبدالحفيظ: محمد الحنفي محسبلناش ضربة جزاء واضحة لاجايى في ماتش الإسماعيلي والعكس انهاردة، وطارق مجدي هو اللي محسبلناش ضربة جزاء بيراميدز في الدور الأول؛ احنا معندناش ثقة في محمود بسيوني ولا محمود عاشور والصباحي يحكملي الفار 6 مرات ب6 قرارات غلط.
جدير بالذكر أن الأهلي قد تغلب على المصري البورسعيدي منذ ساعات بأربعة أهداف مقابل هدفين سجلهم طاهر محمد طاهر وحسين الشحات وصلاح محسن وكهربا.
