قام الإعلامي أحمد شوبير حارس مرمى النادي الأهلي و منتخب مصر السابق بتوجيه نصيحه إلى التونسي فرجاني ساسي لاعب نادي الزمالك بشأن البقاء في الزمالك.
وصرح خلال برنامجه الإذاعي : لجنة الزمالك أنهت كل الملفات الشائكة بنجاح ويتبقى لها فقط الثنائي مصطفى محمد وفرجانى ساسي وهما ملفان بمثابة الصداع في رأس مسئولى القلعة البيضاء”.
واصل : ساسى يملك عرضاً مغريًا للغاية من الدحيل القطرى، وعشان كدا بقوله الناس في الزمالك شالوك على العين والرأس، كنت أول سنة هايل والناس عشقتك وغنتلك في المدرجات وبقيت زى سلطان زمانك في شوارع مصر، وفي تاني سنة مكنش مستواك مميز زى السنة الاول ومع ذلك جمهور الزمالك نسي دا واستمر يدلعك”.
أشار : لو مشيت من الزمالك هتاخد فلوس ده ممكن بس محدش هيدلعك مش هتلاقي دلع الزمالك ده بره، وبقول للزمالك لو ساسي عايز يمشي فعادى عندكم إمام عاشور لاعب ممتاز ومستواه بيتطور وأداؤه ممتع بس محتاج شوية حاجات تتظبط وده دور باتشيكو وأشرف قاسم وعبد الحليم على”.
أوضح : وإمام عاشور نفسه لازم ميركزش مع السوشيال ميديا ويركز في ايده ورجله وتدريباته ويخليه هادى في الملعب كلنا مرينا بالعصبية بس الشاطر اللى يخلصها بدرى بدون خسائر لانها لو استمرت محدش هيخسر إلا إمام عاشور نفسه”.
وأنهى حديثه : “إمام عاشور مع حسين فيصل اللى باتشيكو مقتنع بيه ويمنحه فرص لم يحصل عليها في اعارته لطنطا واللاعب كورته كويسة ومع عودة حسام أشرف وأسامة فيصل سيكون لدى الزمالك مخزون مواهب لاينضب من الناشئين نواة المستقبل”.
