قام محمود حسن لاعب وسط الزمالك الناشئ بمهاجمة مجلس إدارة الأبيض بعد الطريقة التي تم الاستغناء عنه بها في ظرف الإصابة التي تعرض لها.
وقام محمود حسن بنشر بعض العبرات قبل أن يحذفها بدقائق علي موقع التوصل الاجتماعي “فيسبوك”
حيث قال “بسم الله الرحمن الرحيم، حابب أوضح حاجة لجماهير نادى الزمالك، انا اتصابت يوم ٢٦-٦ في معسكر أكتوبر، وفضلت شهرين في موضوع الورق و عملت العملية يوم ٢٢-٨ رغم ان مجلس الإدارة يعلم بوفاة والدتي يوم العملية و ظروفي، بعد ما عملت العملية و رجعت من ألمانيا طلعت عشان أشكر سيادة المستشار فلقيت كاميرا و اطلب مني اعمل فيديو اشكر فيه مجلس الإدارة على العملية و مصاريفها وعملت الفيديو “
وواصل لاعب وسط الزمالك حديثه” بعد ما عملت الفيديو أمير مرتضى قالي انت مش علي ذمة النادي، بعد ما لعبت في النادي ١٧ سنة، العب يا محمود حاضر، اتصعد يا محمود حاضر، اطلع برة “الاسكور” حاضر، و مكنتش بفتح بوقي عشان خاطر النادي الي اتربيت فيه، و اترفضلي ٧ إعارات الموسم الي فات، و مردتش اتكلم و ساكت عشان انا ابن النادي و أهم حاجه الاستقرار”.
و اختتم ناشئ الزمالك حديثه” كلمني احمد مرتضى النهارده بيقولي انت مش هينفع تاخد فلوس عشان انت مش على ذمة النادي، و الحاجه الوحيدة الي نقدر نساعدك فيها ان نوديك فرقة لما ترجع في شهر واحد، وانا كنت ماضي خمس سنين، عدي سنتين وكده لسه فاضل في عقدي ٣ سنين، وحتي النادي مدانيش السنه الي اتصابت فيها و النهاردة تم الاستغناء عني رسمي، شكراً نادي الزمالك.
ويعد محمود حسن من ناشئى الزمالك مواليد 97 الذى تم تصعيده مع الفريق الأول قبل أن يتعرض مع الأبيض لإصابة فى الصليبى، ليقرر مجلس إدارة نادى الزمالك سفره إلى الخارج وعلاجه فى معسكر إعداد الفريق الذى أقيم فى مدينة 6 أكتوبر نهاية شهر يونيو الماضى.
