واصل محمد أبو تريكة أسطورة الكرة المصرية تصريحاته قبل المشاركة في مباراة إعتزال فادي لاقي المحترف الفلسطيني يوم الجمعة على ستاد الملك عبد الله الثاني بالقويسمة .
ورد أبو تريكة حول سؤال يتعلق بأكثر ما يفتقده في كرة القدم : ” افتقد شعور الجمهور والاحتفال بعد الهدف ، شعوري بعد هدفي في الصفاقسي عمري ما حسيته ابدا، وافتقد ايضا جمهور الاهلي ، لان جمهور الاهلي له طقوس خاصه ، جمهور الاهلي لما بيحب حد ويعشقه تبادل المشاعر مع الجمهور تفتقده ، افتقد النادي الاهلي وملعب مختار التتش اللاعيبه الموجوده اوضة اللبس الاجواء ” .
وحول اشادته و إعجابه المستمر بالأسطورة الأرجنتينية ليونيل ميسي قال :” لما بتكلم عن ميسي مبحضرش كلام ، لان الكلام بيكون طالع من القلب لاني بحبه وبحب موهبته وبحب رونالدو طبعا ، الاتنين موهبه لكن القلب يميل أكتر لميسي ” .
وحول ظهوره الإعلامي على قنوات بي إن سبورت كمحلل والمقارنة بينها و بين وقت ما كان لاعب كرة قدم قال :” مكنتش بحب الظهور الاعلامي وانا لاعب ولكن كمحلل الوضع اختلف، الكوره مش علم ذره ؛ الكوره سهله بسيطه بس تفاصيلها معقده لازم توضح الكلام دا وتوصله للانسان العادي يفهمك، بس التحليل صعب اللعب اسهل “.
وحول إعتزاله كرة القدم اضاف ايضا : ” الكابتن حسن حمدي قالنا انتوا هتندموا علي اي لحظه انت كنت لاعيب كورة فيها اتصبت او تخاذلت ، فعلا الشعور دا لازم اللاعيبه اللي اعتزلت تحسه دلوقتي ، بقول للاعيبه استغل اي لحظه موجوده في حياتك الكرويه بإخلاص علشان تعمل حاجه كويسه وتعمل تاريخ بالنسبه ليك ” .
وكانت المذيعة التلفزيونية التي تجري مع محمد أبو تريكة الحوار التلفزيوني حاليا قد وصفته بأنه الهرم الثالث ، ويتواجد في نفس المستوي مع محمد صلاح نظرا لشعبيته ومحبته في قلوب الناس كلها .
